మా అభ్యర్థి గెలిస్తే హుజూర్ నగర్ అభివృద్ధి చెందుతుంది: మంత్రి జగదీశ్ రెడ్డి

హుజూర్ నగర్ లో త్వరలో జరగబోయే ఉపఎన్నికలో తమ అభ్యర్థి సైదిరెడ్డిని గెలిపించాలని మంత్రి, అధికార పార్టీ నేత జగదీశ్ రెడ్డి కోరారు. సూర్యాపేటలో ఈరోజు నిర్వహించిన విలేకరుల సమావేశంలో ఆయన మాట్లాడుతూ, ఈ ఎన్నికలో తమ అభ్యర్థిని గెలిపిస్తే నియోజకవర్గం అభివృద్ధి చెందుతుందని, అదే, టీ-పీసీసీ అధ్యక్షుడు ఉత్తమ్ కుమార్ రెడ్డి భార్య పద్మావతి రెడ్డి గెలిస్తే వారి కుటుంబానికి ఓ పదవి వస్తుంది తప్ప ప్రజలకు ఏం లాభం ఉండదని అన్నారు. ఉత్తమ్ కుమార్ రెడ్డి పదవిలో ఉన్న సమయంలో ఏనాడూ నియోజకవర్గం అభివృద్ధి గురించి పట్టించుకోలేదని విమర్శించారు. ఈ నెల 17న హూజూర్ నగర్ లో నిర్వహించనున్న సీఎం కేసీఆర్ సభకు ప్రజలు తరలి రావాలని పిలుపు నిచ్చారు.